Jun. 2, 2017

ASERKA HENDE KU HOPI EMPATIA PA SIGUI PROGRESA

ASERKA HENDE KU HOPI EMPATÍA

Tur hende ke komuniká

Pasobra nan ta motivá

Skucha nan pa por komprondé                                               

Hasi pregunta pa por  aklará i resolvé

Ofresé tur klase di  koperashon

Pa logra konhuntamente haña solushon

 

HENDE AKTIVO i POSITIVO

Hende ku ta lanta

Hende ku ta traha

Tambe esnan ku tin ku kumpli ku nan responsabilidat

Tur hoben i adulto ku  ké logra oumentá nan kapasidat

Adulto mayor ku tambe ta aportá na nos sosiedat

Ke men ku sigur tur hende ku ké logra mas prosperidat

Ta sigui pensa pa áktua, dirigiendo asina nan atenshon

Demonstrando ku nan tei, pues nan sa kon balorá  moveshon

Tur moveshon positivo ku ta kuadra ku adelanto di nan mes, pa trese solushon

P’e tantisimo problemanan ku nos país ta konfrontando

Formando parti di nos sosiedat ku ta multikultural, ta trahando i koperando

Nos tur por logra surpasá bareranan, kumpliendo asina ku nos kompromiso

Den un Kòrsou ku ta yen di abundansia na talentonan diversifiká

Pues pensa, plánea bo dia, pa por demonstrá ku bo tambe tei ketu bai, pero AKTIVO I POSITIVO.

Kòrsou, 1 yüni 2017, Arianda F.M.Bloem

email.ariandabloem@gmail.com

PA KUALKE PREGUNTA, SUGERENSHA.